Qaj xqelb'aj nche' qanat jakax ex jq'umb'aj tumal: Nex q'o' ttxola tej q'inamal te jun okyim

Qaj nb'ajta jaj uj tej tja kawb'al niy cheyta che qaj tiq'ch tten qaj naj q'ontat che qaj u'j tb'i tqanil at ttxola tej te tq'inama tej xjal okub' kyim (xi "okyim")chi'j qaj te nchi kotza.
Ti' chqil, ilti'j k'okal ttz'aqsa' qaj b'incha' u'j te kawb'al ex kwel ten twitz jtja kawb'al te tej:

• Yek'k'ata twitz jtja kawb'al qa tej u'j njaw tz'ib'at te q'inamal b'a' teja (teja lu b'a' te nkub' aq'unat jaka q'ij),
• Ch'iklakta jun k'okal cheyxta at ttxola tuya ajkawal te tu' tkub' tq'om tib' ti' tb'ij ot kub' kyim,
• Q'ilb'ata nik' ex te tz'ib'wata tej q'inamal tej okub' kyim, ex te q'olk'ata te tu' tb'aj xqelat ja q'inamal,
• Chjolakxta tej k'asb'en ex qaj nchi okx chjet twitz kawb'al, ex
• Nex pa't jq'inamal nchaj titzaxsa njapal b'aj chuya qaj nchi pon b'aj tej u'j njaw tz'ib'at tej q'inama naj q'o' ti' tb'i junt mo te che qaj tkwal mo tchman j-ot kub' kyim.

Qa tej xjal ot kyim minti' tq'inamal te tu' taj tq'o', toj chqil mya'nxax ilti'j ja nb'ajta te k'elatz. Qaj luxqa i'tz tej xjal okub' kyim b'a' ttzaj tq'uma te jqolta jun nb'ajta te k'elatz qa at qaj k'asb'en mo qa at-xax ilti'j mo qa at-xax ilti'j te tu' tkub' b'inchet jun tajlal q'ij te moyb'il te tu'ntza qaj nchi tzaj q'ontat k'okalx chyek'a qaj q'umb'aj.

Uj at tqanil te tu' taj q'o', jtten te nb'ajta te k'elatz jax ju'xa netz ttziya jnkub' pa't che qaj q'inamal tej q'inamal nchaj che qaj tkwal mo tchman j-okub' kyim.

Mi. Jnpon b'aj "jnb'ajta k'elatz tej u'j njaw tz'ib'at te q'inamal naj q'o' ti' tb'i junt" nxi' lape ti' alchexa q'inamal tzyu' tej kawb'al tej tja kawb'al che qaj nb'ajta k'elatz. Qaj q'inamal ot chi kub' pa't ti'jxa tzuj tten te at ttxola je' cheja plaj tejl "q'inamal mi ot jaw tz'ib'at u'j te q'inamal te naj q'o' ti' tb'i junt".
California At "pQaj tiq'ch nchi tema nchi jaw sk'et" te tej tu' taj q'o' qaj q'inamal te jun twi' te jun tajlal (te $ 20,000 a $ 100,000 titzaxsa jtten ex ti' jq'inamal).
Jax ju'xa at jun tten cheb'a te tu' taj q'o' te jun tmoj lux i'tz, q'inamal tzyu'nk'a toj joniy k'a'l q'o' ex u'j te cheyxta jaxax ex kotzb'al te tu' tkub' ajlan.
Te tu' ttiq'ay mast q'umb'aj tumal chib'aj qaj ntema nchi etz sk'et, che'nkx ja  Kloj che qaj Ntema te Nb'aj te k'elatz toj sitio web lu.

Mixax nti' ilti'j. Yola tuya jun b'inchal u'j te tz'ib'wa u'j tu' taj q'o' q'inamal ti' tb'i junt. Ch'inch'a at k'asb'en mo nokx q'o' che qaj nchi okx chjet tu' tkub' chq'o' qaj tej nb'ajta te netz ja jun b'a' ntema tey tete. Qa at nimk'asa il nxi' q'i', k'elax ti'j nb'ajta te netz nokx ttzaqpi' te chjolakxta tej xjal nkub' ten chuya qaj nchi ajtz q'ontat ex qaj kawal te nintzaj ajkawal.

Tajlal qaj kotzb'il b'a' chokx chjet txuk te jun nkotza sk'o'wa. Jpwaq tej cuenta IRA, Keoghs y 401(k) naj q'o' noq tjonalx tej xjal ch'iklak titza te nkotza. Qaj cuenta choj qaj banco nchi jatz chik'ajax titza qaj cuenta te chojb'al titza tzuj qa at chamak (pay-on-death accounts, POD) mo qaj cuenta "toj ntzaj q'ontat q'inamal tete" (jun "Ntzaj q'ontat q'inamal Totten") tuya jun nkotza ch'iklak jax ju'xa naj q'o' tej nkotza b'i mi ma kub' tu' taj te at ttxola.

Tajlal jun najtz q'ontat q'inamal uj lux i'tz q'i' j-u'j tb'i tqanil ti'j tzuj q'inamal tej okub' kyim, tej q'inamal lu jax ju'xa nchi aj te kotzb'il minti' ttxola nxi'. (Te tu' ttiq'ay mast q'umb'aj tumal, che'nkx toj jkloj te nkub' Xi'mat che qaj kuyb'al te pwaq ex qaj q'anal). - che qaj nchi tzaj q'ontat q'inamal uj lux qa i'tz tej sitio web lu).

Jtwi' tej nb'ajta te netz' lu nik'u'nk'a tu'j kawb'al te chqil.
Uj nchi jaw sumar chqil qaj twi', tej lu b'a' tokx tsmo' qaj nich'in twi' tej nkub' ajlet, qaj chojb'al te nok qe k'u'jb'al, qaj chojb'al te nokx yek'at twitz kawb'al ex qaj copia nchi jaw tz'ib'at, qaj chojb'il te jun tten tej u'j mo te póliza te cheyxta jaxax titzaj "nich'in ntzaj q'o' tu' tkub' naj", chuyax tzun qaj chojb'il at chtxola ex nchi kub' ajlet, qaj nb'ajte te netz b'a' tlaq'et teja 4% a 7% tej twi' te chqil tej q'inamal, at jatuma.
Qa al jun ma tz'okx q'umat, b'a' tu' at jun jte mil te dólar te twi' jun kwel yola.
Te tu' ttiq' mast q'umb'aj tumal, qanakx "¿Jte' weya k'okalx nchjo'n tej nxi' yola twitzk'a ex tej b'inchal u'j?" toj kloj Lamolta ex pa'lk'ata tej q'inamal tej tten* tej sitio web lu.

*At tk'u'jay ti'j: tej enlace nxi' ti' ja toj junt kloj tej sitio web juxsamaj matij t-xi'len. Ch'inch'aqama tajb'ey jun b'inchal u'j te tu' tok tona jay te tu' tel tnik'ay ti'j q'umb'aj tumal.

Jkawb'al te California chitzaj jolu qa tej nokx yolal twitzk'a ilti'j k'okal tnojsa' jnb'ajta ja netz toj jun ab'q'ij tetzunja tajlal q'ij taj tok ch'ikat, qatza ma tz'okx tyek'atay jun nok chjet twitz kawb'al chib'aja qaj nb'ajta te netz. Toj tzuj il lu, xi nokx yolal twitzk'a b'a' ttiq' 18 xjaw te tu' tok nojset ja nb'ajta te netz-.
Qa tej nb'ajta te netz mix nok tzqet toj ja amb'il lu, xi k'okalx yolal twitzk'a ilti'j k'okalx tyek'a jun q'umb'aj tumal te tenb'al toj tja kawb'al te q'umxta te tu' t-xi' q'umat alchej paltx tu' tkub' tb'incha' ex jte' amb'il kwel tyo'.
Qa tej nokx te yolal twitz jtja kawb'al, qaj chi kotzal b'a' tokx tqana tej tja kawb'al te tu' tetz tq'uma mo te xi'mxta kab't ti ktemal te tu' tlamet jnb'ajta te netz . Jtja kawb'al b'a' tetz t-xo' jaj nokx yolal twitzk'a ex ch'iklakta junt xjal.
At jatuma qa b'a' tkub' b'inchet qa tej ntema te netz kyajtel nimk'a amb'il. Qa at jun nokx q'umat tej u'j njaw tz'ib'at te q'inamal nok ti' tb'i junt (jun nokx q'umat nokx yek'at twitz jtja kawb'al te qa te chqil mo plaj tej u'j njaw tz'ib'at te q'inamal naj ti' tb'i junt mya' b'a'), mo jtwe' ex jnich'in tej q'inamal ntajb'e' mast amb'il, mo chiw toklen te tu' tjlet qaj chi kotzal, j-aq'unb'al b'a' t-xi' nimax. At ju'nqch qaj tiq'ch nchi b'ajta te netz nchi yajt jun ab'q'ij te b'inchalxta.

Ma California, Qaj ab'ib' yol te nb'ajta te netz nche'x q'i' toj Tja nik'ub' aq'unt te Nb'ajta te netz tej Nintzaj Tja kawb'al tej b'ajtzb'al tnom jatuma enajan xi okub' kyim teja taj tb'ajxi. Toj jb'ajtzb'al tnom te Alameda, chqil qaj ab'ib' yol te nb'ajta te netz nxi' q'i' toj ja Ja' te tja kawb'al te Berkeley. Qaj paq u'j che qaj nb'ajta te netz nchi kub' tziyat te tej te tyek'b'il toj toj ja Ja' te Nik'ulk'ata tej B'ajtzb'al tnom ma Oakland, ja Ja' te tchq'ajlaj te Tja kawb'al te Hayward, ja Ja' te tchq'ajlaj te Tja kawb'al te Fremont, ex ja Ja' te tchq'ajlaj te Tja kawb'al te Gale-Schenone ma Pleasanton. 

Qa at jun u'j njaw tz'ib'at te q'inamal naj ti' tb'i junt, jxjal nok ch'ikat te tu' tchaj toj tkwent toj chqil ja k'okal ch'ikat te yolal twitzk'a, jatzunja ju' elp'enina qa ja tchajsa toj tkwent te nik'ulk'ata tej q'inamal ex te tu' t-xi' lape chi'j qaj kawb'al ex qaj tiq'ch nchitema te nb'ajta te netz.
Tej nchaj toj tkwent mi nti' toklen te tu' tokx te ja k'okalx yolal twitzk'a ujxatza tetz ch'ikat tu'j tja kawb'al ex xi tz'ib'al tej tja kawb'al nokx ttzaqpi'' "qaj u'j jatuma tku'x yol tej u'j njaw tz'ib'at te q'inamal naj q'o' ti' tb'i junt" chumalk'a.
Qa mi nti u'j njaw tz'ib'at te q'inamal naj q'o' ti' tb'i junt, mo tej u'j njaw tz'ib'at te q'inamal naj q'o' ti' tb'i junt mi nok tch'ika jun nchaj toj tkwent, mo jxjal ch'iklak te tu' tchaj toj tkwent tz'ib'a toj u'j njaw tz'ib'at te q'inamal naj q'o' ti' tb'i junt mixb'a tu' tok te chjal toj tkwent mo mi tk'i' tu' tchaj toj tkwent, ja tja kawb'al tej nb'ajta te netz nok tch'ika al jun nok tb'i te nik'ulk'ata te tu' t-xi' taq'masa' aq'unt te ntema. Toj ja tja kawb'al toj chqil njaw tsk'o' jaj tarmana i'tz b'ix juxmaj naqax tete mo jun xjal jatuma naj tq'o' jun plaj tej q'inamal tej okub' kyim .

Xi nokx yolal twitzk'a mya'nxax ilti'j jun ttzqi'xax te at ttxola mo ttzqi' tib'aj pwaq. Aj, ilti'j ktiq'al qaj at chtxola te b'isxta ex j-il ex te tu' tkub'ay juxsamaj nok tk'u'jay, tb'anal, jaxtu'nay, b'a'nsa ex nokxax ti' tnab'. Tej lu nxi'tza q'i' "taq'unt te nok qe k'u'jb'al ti'j": jtaq'unt te tu' tkub' tq'om tib' tuya tb'anal tnab' ex tb'anal ti' tb'i junt xjal. Xi nokx yolal twitzk'a ilti'j ktiq'al qaj tb'analxa nb'int tu' nb'aj tnik'um tib' ex at tipomal te b'inchalk'ata jun kxe'lx ti' qaj nchitema. Ntajb'e' qa jaxi mo jaxoj naj naqa ex lu tokx ti'j tpwaq xi okub' kyim. Tej lu ntzaj tq'o' cheb'a qaj aq'unt ex ja joyb'al che qaj tz'ib'b'al at-xax ilchi'j.

Qaj kab't xjal mixb'a chokx te yolal twitzk'a:

• jun kwal nutz'x toj t-ab'q'ij,
• jun xjal tzyu' toj jun k'ojlab' mo nti' tipomal te tok toj tkwent qaj aq'unt te ja k'okalx yolal twitzk'a,
• jun at tyub' te k'eyb'il lux i'tz tej okub' kyim, qa jun xjal tajsa nwe'k twitz (qatza ch'inch'a tej u'j njaw tz'ib'at te q'inamal naj q'o' ti' tb'i junt nok tch'ika jtuya tib' yub' titza te nchaj toj tkwent), mo
• jun mya' jatza naj toj EE. UU. (qatza ch'inch'a tej u'j njaw tz'ib'at te q'inamal naj q'o' ti' tb'i junt nok tch'ik'a jaj mya' jatza naj tetza ja chjal toj tkwent).

Mixax Najb'en. Aj, toj ju'nqch qaj tten, ja tja kawb'al ntajb'e' te tu' tej nokx yolal twitzk'a nokx tqana te tu' tokx tej tja kawb'al te tu' t-xi' k'eyat qaj q'inamal mi nchi iy yukch mo qaj ntajb'e' te k'eyb'il te q'inamal tej te. Xi nokx yolal twitzk'a mixb'a tkub' tq'o' menoqat jun che qaj kab't tiq'ch lu ti' minti' ot tz'okx qanat te tu' tokx tej Tja kawb'al: Te tu' ttiq'ay mast q'umb'aj tumal, tokx toj Nik'ub' tej q'inamal tej u'j njaw tz'ib'at te q'inamal naj q'o' ti' tb'i junt ti'jxa tzuj uj ot tz'ok ch'ikat.*

*K'okal tk'u'jay: Tej enlace lu nxi' ti' toj junt kloj tej sitio web qa teja juxsamaj matij. Ch'inch'a qama tajb'e jun b'inchal u'j k'okal tona te tu' tel tnik'a ti'j q'umb'aj.

Qa tej nokx yolal twitzk'a jatza najla ti'jxa California, ja tja kawb'al ntajb'e' te tu' ttiq' jun k'okal qe k'u'jb'al ti'j (jun u'j nok te póliza te cheyta nok tklo' qaj kotzb'il tej q'inamal ta' ja' te tu' tajb'en naj tej te tq'inamal tu'n tzuj nokx yolal twitzk'a), tuyax tzuj qa tej u'j njaw tz'ib'at te q'inamal naj q'o' ti' tb'i junt netz tnajsa' qaj j-u'j lu.

• chjolakxta che qaj aq'unt tu'nz,
• chjolakta taq'unt xi tey b'inchal tu'j,
• te q'olk'ata jun chitpulta te tne'l maj tej q'inamal che qaj chi kotzal (tuya ju'ncheqaj nchi el q'i'), mo
• Lamolk'ata tej tx'otx' te awal.

Xi Nokx yolal Twitzk'a ilti'j:

• kwel tkuya qa at qaj q'inamal te chten xjal;
• jyolxta che qaj tq'inamal xi okub' kyim ex te nik'ulk'acha choj qaj ntema te nb'ajta te netz. Tej lu b'a' tkub' tyek'a texa jun ab'q'ij mo mas ex b'a' tjapal b'aj te xi'mxta qa kxe'l k'eyat qaj q'inamal mi nchi iy yukat mo qaj tnimal te tq'inamal xi okub' kyim;
• q'ilaktzta che qaj chojb'al tumalxax ti'j q'inamal, chuyax tzun qan ntajb'e', nkub' chmij ex kab't nchi okx (titza tzuj, qaj chojb'il mi nchi chjet, qaj chojb'al uj nchi etz ajlal ex qaj kab't kotzb'il ntzaj tq'o' j-aq'unt)
• b'inchalk'ata jun cuenta che qaj u'j nchin ok te cheque te netz q'i' te tu' tkub' k'e't jpwaq k'asb'ena tej okub' kyim, titzatzuj, qaj u'j te chojb'al mo qaj nkub' chmij nxi' xi'mat;
• qanax al k'elatz q'intat qa ex jte' titzaxsa tok tu'j u'j njaw tz'ib'at te q'inamal naj q'o' ti' tb'i junt. Qa minti' u'j njaw tz'ib'at te q'inamal naj q'o' ti' tb'i junt, xi nkub' nik'untat ilti'j k'okalx tqana jkawb'al te chqil (Código tej u'j njaw tz'ib'at te q'inamal naj q'o' ti' tb'i junt, qaj kloj 6400 a 6414, nchi ok te qaj kawb'al te "nb'ajta te netz qa minti' u'j njaw tz'ib'at te q'inamal naj q'o' ti' tb'i junt") te tu' t-xi' jyet alqch qaj tkwal mo tchman j-okub' kyim ex te tu' tjapal b'aj tplaj tej q'inamal te ju'n che qaj tkwal mo tchman;
• q'olakta tnimal mo melolxta che qaj q'inamal tej chjal q'o' te kotzb'il;
• q'olxta tumal at ttxola te chqil te che qaj nchi tzaj q'ontat ex qaj ch'inch'a ktza'l chq'o' tej aq'unb'al te ti ntema tej nb'ajta te netz ex qaj nich'in amb'il te tu'ntza qaj nchi tzaj q'ontat k'okalx chyek'a qaj nokx q'umat, titzaxsa ntzaj tq'uma jkawb'al te chqil;
• jyolxta tej tziyb'al te chqil qaj nokx q'umat ti'j tzuj q'inamal;
• chjolakxta che qaj u'j nchi ok te factura tej taj tkub' itz'let, qaj k'asb'en lux tx'aq ex qaj nchi okx q'umat b'a';
• te k'ajb'el tey qaj pwaq k'u' te tu' toj chjet qaj ochi kub' b'aj noqx ju'x jakax, titzatzuj, qaj chojb'al te manb'aj ja', qaj u'j nchi ok te facturas che qaj onb'al te chqil ex qaj tuya tib' tej cheyb'aj jaxax te najb'il;
• aq'masalxta che qaj ttxola tej q'ij te jaka q'ij, ti tten uj tel q'i' qaj onb'al te chqil, kpomal b'aj q'ij te manb'al ex qaj u'j nchi ok te tarjeta te finalizar crédito, ex q'umxta che qaj banco ex qaj agencia che kawb'al, titza tzuj Cheyb'aj jaxax te Xjal, jtja nik'ub' u'j che qaj correo;
• yek'lakxta che qaj q'umb'aj jaxax che qaj nchi okx chjet twitz kawb'al ex chjolakxta che qaj chojb'al twitz kawb'al tib'aj tzuj rent ex jq'inamal, tuyaxtza jun q'umb'aj jxax te npon b'aj che qaj nchi okx chjet twitz kawb'al tib'aj tzuj rent twitz kawb'al te chqil ex te jatzana jnok aq'masantat tej q'ij jatzax taj ttzaj tzyet ab'qij te kawb'al nponx b'aj teja tajlal q'ijtej kyamak;
• ti'jxa tzuj qaj tq'ij jtu' tokx tej tja kawb'al, te pa'lk'ata tej tq'inamal j-okub' kyim che qaj xjal mo qaj yub' ch'iklak toj u'j njaw tz'ib'at te q'inamal naj q'o' ti' tb'i junt, qaj tkawal b'ix qaj tchman j-okyim qa minti' u'j njaw tz'ib'at te q'inamal naj q'o' ti' tb'i junt; ex
• chmolk'ata che qaj u'j nchi ok te recibo te tej kwel pa't ex te q'ilwatzta tej at-xax ilti'j te chqil qaj ttxola te nkub' lamet jq'inamal.

Tajlal. Qama kub' tb'isana te mi txi' tq'o'na tumal, ja tja kawb'al ch'inch'ak'a uj tok tch'ika jaj chjal toj tkwent lepchxat te tu'ntza ja k'okalx te yolal twitzk'a.
Qa mi nal chjal toj tkwent, mo qa teja xjal mi tk'i tz'ona, ja Tja kawb'al k'okal tch'ika al jun te tu' tona. Ja tja kawb'al b'a' tok tch'ika jun najaj at tipa te jun xjal nok qe k'u'jb'al ti'j nintzaj oxnaq'tzan tekax tela.
Qama kub' tb'isana jay k'okalx yolal twitzk'a, b'a' tetz ti'na tib'ay toj alchexa amb'il. Aj, ch'inch'a qa ilti'j kxe'l tq'o'na jun "kxe'l ajlet" toj Tja kawb'al ti'j amb'il taj tonay.

Ju'. B'ixjunt chi'j qaj ochikub' b'aj toj jtey tb'ols te tu' tkub' nik'et ex te cheyxta tej q'inamal, qaj nchi okx yolal twitzk'a toj chqil nchi xke ti' jun chojb'al te 2% teja 4% tej q'inamal tej u'j njaw tz'ib'at te q'inamal naj q'o' ti' tb'i junt. Jt-porcentaje najtz laq'e ti'j ti' tmalb'al njaw ch'iy twe' tej q'inamal.

Ja Tja kawb'al ilti'j k'elatz ab'it tchojb'al chqil qaj taq'unt ex qaj nchi kub' b'aj. Ex, ex atjatuma nb'ajta noq tisa ti'k'a, ja Tja kawb'al b'a' tokx ttzaqpi' kab't chojb'al aq'unt.

(Che'nkx "Ti' njapal b'aj qaj chojb'al taq'unt jnokx yolal twitzk'a ex xi b'inchal u'j" toj jkloj Nkub' tlamo' ex nkub' tpa' jq'inamal tej tten* tej sitio web lu) 

*At tk'u'jay: Tej enlace lu nxi' ti' toj junt kloj tej sitio web qa teja mas nim. Ch'inch'a qama tajb'e jun b'inchal u'j te tu' tok tona te tu' tel tnik' tib'aj rent te noq juxn xjal.

Qaj chojb'al luqa tzyu'nk'a chi'j qaj nchi okx chjet twitz kawb'al chitza tzun qaj nchi oktz jaka abq'ij ex ilti'j chi xe'l q'umat toj jtey tq'umb'aj jaxax te chojb'il twitz kawb'al tib'aj tzuj tent noq te junx xjal. Tu'ntzuja, qa tey jay k'okalx yolal teitzk'a ex jnoqxax ja k-kotzal ti'j q'inamal, toj chqil minti' ttxola te q'ilb'ata tchojb'al taq'unt. Aj, jpwaq ntiq' titza te ja'n nkotza ti'j q'inamal luta tzaqpi' chi'j qaj nchi okx chjet twitz kawb'al tib'aj tzuj rent.

Eyola qen tuya jun b'inchal u'j te tu' twiq' kab't q'umb'aj tumal.

Ja tja kawb'al b'a' tajtz ti' ti'j mo te xk'eyk'ata tej tu' tel tnik' ti'j ex b'a' tokx te t-xel jnokx yolal twitzk'a ti' junt xjal. Xi nokx yolal twitzk'a jax ju'xa b'a' ilti'j k'okalx tchjo' chi'j qaj tqa'yal ot kub' tb'inch'a.

Jun nokx te yolal twitzk'a b'a' tkub' ab'it te ja tchajsa toj tkwent te:

• nik'ulk'ata che qaj te tej q'inamal,
• mi tz'el q'i' ch-chojb'al qaj nchi okx q'umat ex jpwaq k'asb'ena ti'j q'inamal,
• qaj nchi tzaj q'ontat nokx ch-chjo' toj,
• k'eyxta jun txqo' minti' ot tz'etz tzaq'b'et te tu' tkub' b'inchet, mo te jun twi' mya' tumal,
• mi nokx q'umat qaj q'umb'aj ajxax che qaj nchi okx chjet naj twitz kawal,
• te pa'lxta che qaj q'inamal che qaj chikotzal jatuma ot tzpet, mo
• pa'lxta tej q'inamal che qaj chikotzal uj na'tq chok chjet qaj nchi tzaj q'ontat, chqiltza.

Tajlal. Aj b'a'ntza te jun b'a' nkub' xi'mat qa tej q'inamal nimsa npon b'aj. Jun b'inchal u'j b'a' t-xi' tona te tu' tex twitz chuya chqil qaj tkub' ex te tu' tajtz ti'j qaj nchi tzpet ex qaj nchi kub' yajt.
At jatuma, jun b'inchal u'j b'a' ttzaj tona te tu' tajtz ti'j jmi njapal b'aj tkuyj chjol qaj chuya chib' tej najaj chib'ajtza chten qaj nutz' kwal mo qaj ilxax chi'j. Aj tej b'inchal u'j nokx tyek'a qaj ntajb'e' te nokx yolal twitzk'a, mya' je' qaj nchi kotza.
Ch'inch'a qa mi matajb'e jun b'inchal u'j qa: Toj chqil qaj il, ch'inch'a qa tej nokx yola twitzk'a minti' tu' tok tcheya ttxlaj te jun tchq'ajlaj tej tja kawb'al. B'ix ilti'j kxe'l toj tja nik'ub' tu'j xi tz'ib'al tej tja kawb'al.

• noqxax jatey k-kotzal,
• jtq'inamal j-okub' kyim nxi'tza lape chi'j qaj tq'inamal chqilx ju'wa (titzatzuj ja', qaj cuenta te banco, qaj pwaq te cheyxta jaxax te xjal, chqiltza.)
• ja u'j njaw tz'ib'at te q'inamal naj q'o' ti' tb'i junt teja mya' chiw ex txuk, ex
• b'a' tokx chi'j qaj tb'anal aq'masab' che qaj tiq'ch b'a' tb'int.

Qa al jun ma tz'okx yek'at jun tu' taqa ti'j u'j njaw tz'ib'at te q'inamal naj q'o' ti' tb'i junt, mo njaw tb'incha' junt u'j njaw tz'ib'at te q'inamal naj q'o' ti' tb'i junt, ma tzaj tzyet jun "Nex q'umat te u'j njaw tz'ib'at te q'inamal naj q'o' ti' tb'i junt".
Qaj yol nchi ex tib'aj u'j njaw tz'ib'at te q'inamal naj q'o' ti' tb'i junt mya' junxat, b'ix noq kab' xjal nxke ti' jun. Ti'j tzuja, b'a'ntza je' k'okalx q'ontat nimk'a pwaq ex amb'il.

Noqxax junx xjal tuya "ti' ju'n mya' ja" b'a' tokx tq'uma jun u'j njaw tz'ib'at te q'inamal naj q'o' ti' tb'i junt. Teja lu jutz'a elpenina qa tej xjal ilti'j at jun ntajb'e' te pwaq te junx toj jtzaq'b'eb'.

Chitza tzun qaj xjal ti' jun mya' ja te tu' tokx q'umat jun u'j njaw tz'ib'at te q'inamal naj q'o' ti' tb'i junt je'j:

• jun tkwal mo tmoj etz najset toj u'j njaw tz'ib'at te q'inamal naj q'o' ti' tb'i junt
• jun tkwal netz q'intat jun pk'oj tej q'inamal qa jun tzik'b'al mo titz'a ma tz'etz ti' ka'b'a pk'oj,
• qaj kwal nkub' chna' qa tej yub' yiwin te jatzana mixb'a tu' tchaj tuya chqil qaj kotzb'al che qaj mamb'aj,
• Alchexa jun ot tz'ok cheyat mas tb'anal toj jun u'j njaw tz'ib'at te q'inamal naj q'o' ti' tb'i junt toj tne'l.

At jatuma, at jun yol te u'j njaw tz'ib'at te q'inamal naj q'o' ti' tb'i junt tu'j at al jun taj te tu' junt xjal, banco mo compañía nok qe k'u'jb'al ti'j nkub' tq'om tib' titza te ja k'okalx yolal twitzk'a tej q'inamal, mo te jatza nkotza chi'j qaj ntzaj q'ontat q'inamal b'icha'waqa tu'j u'j njaw tz'ib'at te q'inamal naj q'o' ti' tb'i junt.

Chqil qaj chiwsa choklen chi'j qaj u'j njaw tz'ib'at te q'inamal naj q'o' ti' tb'i junt te che che qaj tkwal b'ix qa tchman mo qaj nchi kotza mi nchi yolj qaj echiq' ch'in mo nti'x. Qaj nchi okx q'umat che qaj u'j njaw tz'ib'at te q'inamal naj q'o' ti' tb'i junt ilti'j k'okalx chyek'a toj tja kawb'al te nb'ajta te netz toj jun tajlal che qaj q'ij taj choktz q'i' qaj q'umb'aj tej kyiamak, mo jqanb'al te tu' tokx tzaqpet ja u'j njaw tz'ib'at te q'inamal naj q'o' ti' tb'i junt te nb'ajta te netz, mo jnjaw b'inchet che qaj u'j jatuma tz'ib'ak'ax yol che qaj u'j njaw tz'ib'at te q'inamal naj q'o' ti' tb'i junt te jun nokx yolal twitzk'a. Qaj nchi tzaj yek'at che qaj tu' taqa te tu' tokx q'umat jun u'j njaw tz'ib'at te q'inamal naj q'o' ti' tb'i junt:

• at jun u'j njaw tz'ib'at te q'inamal naj q'o' ti' tb'i junt tkub' qa, te tu' tkub' tziyat, k'okalx te t-xel ti'j u'j njaw tz'ib'at te q'inamal naj q'o' ti' tb'i junt toj tne'l;
• ja u'j njaw tz'ib'at te q'inamal naj q'o' ti' tb'i junt ekub' b'inchet toj jun amb'il taj mya'xax nti' tnab' xi ot kub kyim tib'aj te tu' tjaw tb'incha' jun u'j njaw tz'ib'at te q'inamal naj q'o' ti' tb'i junt;
• ja u'j njaw tz'ib'at te q'inamal naj q'o' ti' tb'i junt jatzunja etz byan te ot kub' eyat, mi eb'int mo "tqa'yal naj eb'ajt";
• tej u'j njaw tz'ib'at te q'inamal naj q'o' ti' tb'i junt mi ejawxax "b'inchet" (sqitlak tu' xi okub' kyim);
• Jnok te u'j njaw tz'ib'at te q'inamal naj q'o' ti' tb'i junt tej te t-xi'len noq eb'aj nik'at;
• at jun tu' taqat (titza jun ekub' yolat att) tej u'j njaw tz'ib'at te q'inamal naj q'o' ti' tb'i junt mya' b'a'.

Qa at jun kxe'l yolat tib'aj u'j njaw tz'ib'at te q'inamal naj q'o' ti' tb'i junt, ilti'j k'okal tqanay jun b'inchal u'j att ttzqi' tib'aj. Ja tja kawb'al che qaj nb'ajta te netz b'a' tu' minti't k'ab'ela chqil j-u'j njaw tz'ib'at te q'inamal naj q'o' ti' tb'i junt mo noqxax jaj plaj ot tz'okx q'umat. Qama pon b'aj qa chqil j-u'j njaw tz'ib'at te q'inamal naj q'o' ti' tb'i junt mya' b'a', qaj nchi oktz ch'inch'a uj chkub' pa't titzaxsa ntzaj tq'uma jkawb'al te chqil che qaj mi ot chaj chq'o' u'j njaw tz'ib'at te q'inamal naj q'o' ti' tb'i junt, qatza ch'inch'a at jun u'j njaw tz'ib'at te q'inamal naj q'o' ti' tb'i junt ot jaw b'inchet toj tne'l b'a' tjaw b'inchet junt maj ex k'okalx tzaqpet te tkub' tziyat ttxola.

Qa jun xjal ma kyim b'ix minti' tu'j njaw tz'ib'at te q'inamal naj q'o' ti' tb'i junt (la alchex jtzqi' titza kyamak "minti' u'j njaw tz'ib'at te q'inamal naj q'o' ti' tb'i junt"), ja tja kawb'al te nb'ajta te netz nok tch'ika te jun nokx yolal twitzk'a (tzqi' te "nik'ulk'ata aq'unt").
Jtne'l junxat tuya tzuj tchim ot b'aj b'int u'j njaw tz'ib'at te q'inamal naj q'o' ti' tb'i junt ex te uj tkyim mi ot chaj tq'o' u'j njaw tz'ib'at te q'inamal naj q'o' ti' tb'i junt aj tej jun q'inamal mi ot chaj u'j njaw tz'ib'at te q'inamal naj q'o' ti' tb'i junt nkub' pa't titzaxsa ntzaj tq'uma jkawb'al te chqil (tzqi' te "nb'ajta te netz mi nkub' b'int u'j njaw tz'ib'at te q'inamal naj q'o' ti' tb'i"). Jq'inamal nkub' b'int u'j njaw tz'ib'at te q'inamal naj q'o' ti' tb'i junt nkub' pa't titzaxsa tok tu'j ntzaj q'umat nchaj q'o' tu'j nb'ajta toj u'j njaw tz'ib'at te q'inamal naj q'o' ti' tb'i junt.

Qama txi' tz'aq mo nlay b'int tknet jun u'j njaw tz'ib'at te q'inamal naj q'o' ti' tb'i junt, qaj nchi kub' b'inchet ex qaj tten nb'ajta tne'lxax ex jkawb'al te chqil njapal b'aj te alchexa.
Titza tzuj, qa palx ju'j njaw tz'ib'at te q'inamal naj q'o' ti' tb'i junt tu'j jatej okub' kyim ojaw b'inchantat junt maj tzajxax ti' tanma, jun u'j njaw tz'ib'at te q'inamal naj q'o' ti' tb'i junt toj tne'l mo qaj kawb'al tib'aj nb'ajta te netz mi ot chaj b'inchet u'j njaw tz'ib'at te q'inamal naj q'o' ti' tb'i junt kjapal b'aj al chjal tawa jtq'inamal tej okub' kyim.
Mo, qa paltx jun u'j njaw tz'ib'at te q'inamal naj q'o' ti' tb'i junt tu'j okx k'et toj jun tkulb'al te ja' te jun banco okub' xit tu' jun q'a'q ejaw, ja tja kawb'al che qaj nchi b'ajta te netz b'a' tkub' tkuya jun fotocopia tej u'j njaw tz'ib'at te q'inamal naj q'o' ti' tb'i junt (mo jnel su'ntat tej b'inchal u'j mo jyub' te xk'utz'ib'), qa at techb'il te qa tej okub' kyim ok tsqita b'a'nxax j-u'j nok te original.

Qaj kawb'al che qaj nb'ajta te netz tej tnom jatuma tej okub' kyim jatza enajan te juxmaj njapal b'aj chu' al kq'ilta qaj q'inamal tej okub' kyim (lajatumaxa ata) ex qaj q'inamal mi nchi iy yukat texi okub' kyim lu tokx tojxa jtnom. Jatzuj lu tu' taqa ja nb'ajta te netz noqx alj nokx tyek'a tib' toj tnom jatuma tzajna j-okub' kyim.

Qa tej okub' kyim at teja tq'inamal mi niy yukch toj junt tnom, qaj kawb'al teja tnom njapal b'aj te ti' nkub' pa't qaj q'inamal mi nchi iy yukat.
attza nb'ajta te netz toj ju'nqch tnom jatuma at q'inamal mi niy yukat, ti'jxa tzuj tnom te jatuma tzajna. Ju'naqch tnom at tex ntema tu' te pa'lk'ata che qaj q'inamal mi nchi iy yukat tej okub' kyim.

Tuyax tzuj qa at jun u'j njaw tz'ib'at te q'inamal naj q'o' ti' tb'i junt, tne'l nokx tzaqpet ja u'j njaw tz'ib'at te q'inamal naj q'o' ti' tb'i junt te tu' tex ab't te at ttxola toj jtnom te jatuma tzajna, yajk'attza ilti'j k'okalx yek'ta tib' te tu' tetz ab'it te at ttxola toj ju'nqch tnom jatuma tej okub' kyim at tq'inamal mi niyn yukat.

Jtiq'ch ntema te nb'ajta te netz noq lepch nok tb'i te "nb'ajta te netz noq lepcht". At ju'nqch tnom nchi okx tenx qantta ti'j nok ch'ikat te jun nokx yolal twitzk'a ja jun naj jatzanax te tu' tkub' nik'et jq'inamal toj ja tnom lu.

Plaj tej ntema te nb'ajta te netz ntzaj q'umat che qaj nchi tzaj q'ontat tej okub' kyim. Qaj u'j te nxi' q'umat nchi kub' te junxat. Toj junaqch il, ilti'j kxe'l tq'o' jun tumal txuk. Choj kab't, ilti'j kwel tchitpu'na jun tumal toj jun u'j nok te periódico tej tnom jatuma enajan j-okub' b'inchat.

Qaj nchi tzaj q'ontat ilti'j k'okalx chyek'a jun nokx q'umat twitz jtja kawb'al chi'j qaj nich'in tumalxax toj jun q'ij te amb'il b'a'. Qa tej nchaj toj tkwent ma tz'etz ttzaq'b'e' jnokx q'umat, j-u'j nok te factura nokx chjet tuya jq'inamal. Qa tej nchaj toj tkwent ma kub' tnajsa' jnokx qanat, tej ntzaj q'ontat ilti'j kqanal ti'j chojb'al.

Qa minti'xax nimk'a pwaq te tu' tokx chjet chqil qaj k'asb'en, tej kawb'al te chqil njapal b'aj tu' te ale' nokx chjet tne'l. Jmas nchaj toj chik'aj tej nokx yolal twitzk'a nxi' tk'eya jq'inamal te tu' tokx chjet qaj nchi okx q'umat nchi etz tziyat che qaj nchi tzaj q'ontat.

Qaj nchi okx q'umat nel q'i' nchi okx chjet junak plaj. (Te tu' ttiq'ay mas q'umb'aj tumal, tokx "Qaj nchi okx q'umat chi' qaj nchi tzaj q'ontat" toj jakloj "Nik'ulk'ata tej q'inamal tej u'j najw tz'ib'at te naj q'inamal ti' tb'i junt ti'jxa tzuj netz ch'ikat"*”*teja sitio web lu).

*At k'u'jb'al ti'j:  Tej enlace lu nxi' ti' toj junt kloj tej sitio web qa teja juxsamaj nim. Ch'inch'a qama tajb'e jun b'inchal u'j te tu' tok tona te tu' tel tnik' ti'j q'umb'aj tumal.

Toj chqil, tajlal. Ja Kawb'al ntzaj tq'uma qa mixb'a tok toj tkwent chi'j qaj k'asb'en te chqil che kab't qa minti' ot txi' ttziya.

Qatza ch'nch'ak'a tej okub' kyim ma tz'ok tq'o' jte tq'inamal te aljun taj ch'itq tkyim, mo ekub' ten toj taj tyolj chuya te tu'ntza tkub' alq'et che qaj nchi tzaj q'ontat, qaj nchi kotza mixb'a tu' tokx ch-chjo' cheja che qaj nchi tzaj q'ontat noq jaj tu' je' qaj nchi kotza.

Mixb'a tchaj menoqat ch'in ti'j q'inamal te che qaj nchi kotza ti'jxa tzuj uj ot tz'okx chjet che qaj ot tzaj q'ontat. Aj, qaj nchi kotza mi nti' chk'asb'en te pwaq che qaj nchi tzaj q'ontat.

Tex tzunja, qa qaj tkwal mo qaj nchi kotza k'elatz chi' qaj q'inamal mo qak kotzb'il tej okub' kyim mo ti'j q'inamal, mo okx toj chkwent ti'j k'ojlab' ot txi' q'o' tej okub' kyim, mo jchojb'al etz q'o', b'a tok toj chkwent chi' junak mo chqil qaj tk'asb'en xi okub' kyim tekax tela.

Te che qaj nchi pon b'aj tej nchi okx chjet twitz kaqwb'al te jatzana ex te chqil, jchamak at ka'b'a elpenina teja:

• Chik'ak jtajlal q'ij taj tjapal b'aj j-ultimo abq'ij taj tona jkub' b'inchantat te tej nich'in te u'j te ekub' q'o' tib'aj tzuj oktz, ex
• Nkub' tnik'u' jun tten ak'aj ex tekax tela te che qaj ajkawal, ja "q'inamal".

Te che qaj nchi okx chjet twitz kawal jatzana, ch'inch'a uj ilti'j k'okalx nojset ex yek'lakxta jun mo mast che qaj kab't b'incha' u'j. (Lepchtza chi'j qaj pwaq nchi oktz tej okub' kyim, twe' jq'inamal ex qaj pwaq nchi oktz tej q'inamal):

• B'incha' u'j te npon b'aj 1040 Q'umb'aj jaxax che qaj nchi okx chjet twitz kawal tex jatzana tib'aj tzuj ja' (jq'umb'aj jaxax che qaj nchi okx chjet tib'aj tzuj ja' noq tek'a j-okub' kyim)
• B'incha' u'j 1041 Q'umb'aj jaxax che qaj nchi okx chjet twitz kawal tex jatzana q'uq k'u'jb'al ti'j te tej q'inamal
• B'incha' u'j 709 Qaj q'umb'aj jaxax che qaj nchi okx chjet twitz kawal tex jatzana chib'aj qaj nchi tzaj kotzat
• B'incha' u'j 706 Q'umb'aj jaxax che qaj nchi okx chjet ti'j tzuj Q'inamal te Kawal

Te che qaj nchi okx chjte twitz kawal te California, xi jatuma nchaj toj tkwent te tu' tkub' tkuya ilti'j k'okalx tyek'a alchexa jun q'umb'aj jaxax tib'aj tzuj ja' te kawal ilxax ti'j, qaj q'umb'aj tuma che qaj nchi okx chjet twitz kawal tib'aj tzuj ja' qaj nchi ok qe k'u'jb'al ti'j te chqil toj tzuj q'ij uj nchaj toj tkwent, qaj nchi okx chjet chib'aj tzun qaj kotzb'il.
Jax ju'xa ch'inch'a uj at kab't nokx chjet twitz kawal tex, jatzana qaj ja' chibaj tzun qaj q'inamal te k'eyb'il ex alchexa junt nokx chjet te chqil tne'lxax.
Jnchaj toj tkwent jax ju'xa ilti'j kxe'l tcheya qaj nchi okx chjet k'asb'ena ete' chi'j qaj ab'q'i te qapa o'txa ti'j ti' taj tkub'n kyim ci okub' j nok qe k'u'jb'al ti'j. (Te tu' ttiq'ay mas q'umb'aj tuma, "qaj nchi okx chjet" toj jkloj Nkub' nik'et tej q'inamal jatuma nok q'e k'u'jb'al ti'j ti'jxa tzuj txokb'il *teja sitio web).

*At k'u'jb'al ti'j: J-enlace lu nxi' ti' ja toj junt sitio web qa teja juxsamaj nim t-xi'lena. Ch'inch'a uj tajb'e jun b'inchal u'jnte tu' tok tona te tu' tel tnik' ti'j q'umb'ja tumal

Jaylaxt ju'nmaj Qa tey ex jtey tmoj ekub' chq'uma jaylakx eku' chb'incha' ja kwenta toj b'anco ex j-u'j nchi ok te txuk chi', qa teja ilti'j k'okalx chjet j-u'j nok teqa.

Qa qaj u'j nok chb'i te tarjeta te crédito mo qaj cuenta ejqetqa noqxax chu' qaj q'umb'aj tumal tej te tmoj titza jun lepch te tzqilta, ch'inch'a qa tey mi tz'ok toj tkwentay.

Qaj nchi tzaj q'ontat b'a' tel chi' pawaq chqi' qaj k'asb'en tej q'inamal uj na'ntq tkub' pa't jch'int chwitz qaj tkwal mo tchman. Ju'nak qaj il lepch chi'j qaj tiq'ch t-xi'len. Yola tuya jun b'inchal u'j nelxaxtza tnik'ay chi'j qaj nb'ajta te netz.

Tne'l, kutxa ab'ilta tumal tuya Jtja kawb'al te jatuma Njaw b'inchet u'j te q'inamal tej b'ajtzb'al tnom tej tenb'al jatuma enajan xi okub' kyim.

Qa okx yek'at j-u'j tej q'inamal ejaw tz'ib'at, ch'inch'a uj tkub' ten te tu'ntza tok tcheya chqil. Ex, tey b'a' tetz tlaq'o'na jun copia. Maqa, b'a' tok tqanay jun b'inchal u'j tex jatzana mo jun tja nik'ub' u'j che qaj onb'al at chtxola te tu' t-xi' tb'incha' jun joyb'al ex te tu' ttiq' jun copia tey tete.

B'ix aj nimk'asa xjal, chuyax tzun qaj q'inamal te noq tiq'chk'a, nchi kyim minti' u'j ot jaw tz'ib'at te chq'inamal.

Ex, qa tej ot kub' kyim q'i' chqil qaj q'inamal tu' tu'ntza jun jatuma chaj toqxena taj i'tzx mo jun njapal b'aj te q'inamal joniy, ch'inch'a uj minti' ntajb'e'na te q'olakta tnimal j-u'j njaw tz'ib'at tej q'inamal.

Jkawb'al ntzaj tq'uma qa ilti'j k'okalx "q'o'" j-u'j tej u'j njaw tz'ib'at te q'inamal toj ja nintzaj tja kawb'al tej b'ajtzb'al tnom jatuma enajan xi okub' kyim, qa minti' ttxola. Minti' tchojb'al toktzsa.

¡Aj tej tja kawb'al mi nkub' tkuya qaj u'j nchi jaw tz'ib'at te q'inamal te che qaj xjal luxqa i'tz!

K'okaltz ti'na noq tjonalx jun q'umb'aj tumal che qaj nokx qanat ot tz'okx yek'at, tuyax tzuj nokx qanat te tu' tok ch'ikat jk'okalx yolal twitzk'a ex jqanb'al te npon b'aj uj npon j-amb'il te tu' tkub' lamet ex te pa'lk'ata tej q'inamal.
Qa tej nokx yolal twitzk'a taj txi' tk'eya qaj q'inamal mi nchi iy yukat, jax ju'xa b'a' ttiq' jun Q'umb'aj tumal te xi'mb'al nkub' nik'et. Qama tajb'ey te tu' ttiq'ay qaj copia te chqil qaj nchi okx yek'at toj jtja kawb'al che qaj nb'ajta te netz ti'j tzuj q'inamal, yek'akx jun u'j te Qanb'al te nxi' q'umat te at-xax ilti'j. MInti' tu' tokx tchjo'na te uj tokx tyek'ana j-u'j lu.
B'a' taq'ay yolal txuk tuya xi nokx yolal twitzk'a qa at jun tey tqanb'al. Jax ju'xa b'a' tyolana tuya xi b'inchal u'j tej q'inamal. B'ix jax ju'xa q'o'nk ti' tnab'ay qa tej b'inchal u'j naq'anan te tej nokx yolal twitzk'a ex mya' te che qaj tkwal mo tchman.
Qa njaw b'aj tk'u'jay ti'j tten ti' tej nokx yolal twitzk'a kxe'l taq'masa' jq'inamal, yola tuya jun b'inchal u'j.

Chqil qaj il nche'x lape chi'j qaj tten lu:

Q'o'nk clic tz'alu te tu' tok tcheyana j-u'j jatuma tz'ib'lak te tiq'ch tten jnb'ajta te netz. Tb'anal xi'mb'al te nej k'okal cheyat uj na'ntq t-xi'x q'i'.
At kab't kloj tib'aj nkub' nik'et che qaj nb'ajta te netz toj ja sitio web lu. Aj tej q'umb'aj tumal choj qaj kloj tej nimsa t-xi'len. Ch'inch'a ma tajb'e jun b'inchal u'j tu' tok tona ja tu' tel tnik' ti'j q'umb'aj tumal choj qaj kloj nok chajlal uj nxi' tzyet tz'alu.: 

• B'inchab' tej Qanb'al tej Nb'ajta te netz
• Nik'ulk'ata tej q'inamal tej u'j njaw tz'ib'at tej q'inamal ti'jxa tzuj nok ch'ikat
• Lamob'ta ex pa'lk'ata tej q'inamal tej nb'ajta te netz