Skip to main content.

Mga Rekord

Paano Maa-access ang Impormasyon ng Kaso

Online

Maaaring i-access ng publiko ang maraming rekord ng kaso (impormasyon at mga dokumento) online sa pamamagitan ng DomainWeb o Odyssey Portal.

Personal

Maaaring saliksikin ng mga indibiduwal ang mga rekord ng hukuman nang personal at walang bayad. Maaaring gamitin ng publiko ang mga pampublikong maa-access na terminal at index. Para malaman kung saan matitingnan ang isang rekord ng kaso, pakitawagan ang isa sa Mga Unit ng Mga Rekord sa mga numero ng teleponong nakalista sa ibaba. Pakitandaan na matitingnan lang ang mga file sa mga pasilidad. Hindi maaaring kunin o alisin ang mga file sa mga itinalagang lugar anumang oras.

Tingnan ang mga lokasyon at mga oras ng serbisyo.

Research Assistant

Maaari kang mag-request ng paghanap ng mga rekord sa pamamagitan ng pagsulat. Hindi nagbibigay ang Hukuman ng mga serbisyo ng pananaliksik sa pamamagitan ng tawag o email. Makipag-ugnayan sa Mga Unit ng Mga Rekord para sa mga kaukulang uri ng kaso na nakalista sa ibaba para sa higit pang impormasyon.

Mga Singil at Pagbabayad

Makikita sa link na ito sa Mga Singil ang kasalukuyang gastusin sa pananaliksik at serbisyo ng pagkopya na available.

Maaari mong bayaran ang mga singil sa pagpapahanap ng rekord at pagkopya sa pamamagitan ng tseke, credit card, o money order. May opsyon kang magsumite ng Mga Request para sa Rekord Kaugnay ng Krimen online at bayaran ang mga iyon gamit ang MasterCard o Visa.

Mangyaring huwag magsumite ng cash o impormasyon ng credit card sa pamamagitan ng koreo.

Impormasyon ayon sa Dibisyon o Subject Area

Online

Maraming hindi kumpidensyal na rekord ng sibil na kaso ang available online sa DomainWeb.

Personal

Ang mga rekord ng sibil na kaso ay maa-access nang personal sa mga sumusunod na lokasyon:

  • Rene C. Davidson Courthouse, Oakland: Matitingnan nang personal ang mga rekord sa pamamagitan ng mga pampublikong terminal sa Civil Division
  • Hayward Hall of Justice, Hayward: (510) 690-2705
  • George E. McDonald Hall of Justice, Alameda: (510) 891-6005

Online

Maaari na ngayong tingnan ng publiko ang impormasyon ng kaso ng krimen sa pamamagitan ng Odyssey Portal. Hindi kasama sa pampublikong access ang access sa mga dokumento. Available lang ang impormasyon ng kaso para sa mga kaso na nagkaroon ng anumang aktibidad simula noong 2005. Ang serbisyong ito ay libre at hindi kailangang mag-register ng mga miyembro ng publiko.

Ang mga kopya ng mga hindi kumpidensyal na dokumento ng kaso ng krimen ay maaaring i-order online sa pamamagitan ng portal ng Mga Request para sa Rekord ng Krimen. Ipapadala sa iyo ang mga kopya.

Kung kailangan mo ng liham na may aktuwal na lagda at selyo ng hukuman bilang dokumentasyon para sa mga layuning pang-immigration, huwag gamitin ang online na portal ng Mga Request para sa Rekord ng Krimen. Sa halip, dapat ipadala ang request sa East County Hall of Justice, 5151 Gleason Drive, Dublin, CA 94568, Attn: Criminal Division.

Maglakip ng tseke o money order para sa halagang $1.00 (sa kada liham na kukunin mula sa isang bangko sa US) na babayaran sa Superior Court, County of Alameda. Huwag magpadala ng cash. Isama ang Pangalan ng Requestor, Kumpletong Address ng Requestor (address na pagpapadalhan), Numero ng Telepono ng Requestor, Pangalan ng Defendant, Docket Number ng Defendant at Petsa ng Kapanganakan.

Personal

Available ang impormasyon para sa maraming kaso ng krimen na binuksan simula noong 1974.

*BAGO* Maaari na ngayong tingnan ng publiko ang impormasyon ng kaso ng krimen sa pamamagitan ng Odyssey Kiosk, na available sa mga pampublikong terminal sa mga piling lokasyon ng hukuman. Kasama sa pampublikong access ang access sa mga pampublikong dokumento. Available lang ang impormasyon ng kaso para sa mga kaso na nagkaroon ng anumang aktibidad simula noong 2005.

Kung alam mo ang lokasyon ng hukuman kung saan dininig ang kaso, makipag-ugnayan sa lokasyong iyon. Kung hindi mo alam ang lokasyon ng hukuman, pakitawagan ang isa sa mga sumusunod na Criminal Division:

Para matingnan ang mga kaso ng felony bago ang 1974, puntahan ang isa sa mga Criminal Division para sa tulong o makipag-ugnayan sa California Department of Justice.

Online

Available ang limitadong impormasyon tungkol sa mga kaso ng family law sa DomainWeb. Ang mga dokumento ng kaso ng family law ay hindi available online.

Personal

Para sa impormasyon tungkol sa mga rekord ng hukuman kaugnay ng Family Law, makipag-ugnayan sa:

  • Hayward Hall of Justice, Hayward: (510) 690-2702
  • George E. McDonald Courthouse, Alameda: (510) 891-6005
  • Rene C. Davidson Courthouse, Oakland: Matitingnan nang personal ang mga rekord sa pamamagitan ng mga pampublikong terminal sa Civil Division

Online

Ang mga taong gustong magka-access sa mga rekord ng hukuman kaugnay ng juvenile ay dapat na mag-petisyon sa hukumang pang-juvenile alinsunod sa Seksyon 827 ng California Welfare & Institutions Code. Dapat isumite ang petisyon sa Judicial Council form JV-570.

Kasama sa mga rekord ng Juvenile Court ang mga rekord na pinapanatili sa legal na file at mga rekord ng Juvenile Dependency Court na pinapanatili ng social worker at ng Social Services Agency (maliban sa anumang komunikasyon sa pagitan ng social worker at ng kaniyang abugado). Karaniwang hindi kasama sa mga rekord ng Juvenile Court ang mga ulat ng pulis.

Para sa higit pang impormasyon tungkol sa pagsusumite ng JV-570, pakitawagan ang Opisina ng Juvenile Clerk sa

(510)267-6922.

Online

Available ang mga larawan para sa mga dokumentong inihain matapos ang Enero 31, 2006, maliban sa mga conservatorship, guardianship at kumpidensyal na dokumento.

Personal

Para sa impormasyon tungkol sa mga rekord ng hukuman kaugnay ng Probate, makipag-ugnayan sa:

  • Berkeley Courthouse, Berkeley: (510) 647-4439
  • George E. McDonald Courthouse, Alameda: (510) 891-6005
  • Rene C. Davidson Courthouse, Oakland: Matitingnan nang personal ang mga rekord sa pamamagitan ng mga pampublikong terminal sa Civil Division

Online

Maaari mong tingnan ang iyong citation dito.

Personal

Paperless na ngayon ang database ng Traffic Division. Maaari kang mag-request ng dokumento mula sa iyong kaso (hal., citation, mga minuto, atbp.) at maaari itong i-print ng tauhan sa anumang lokasyon ng Hukumang Pang-trapiko para sa iyo.

Ang mga rekord kaugnay ng pag-ampon ay kumpidensyal at maaaring makakuha ng access sa mga rekord kaugnay ng pag-ampon sa pamamagitan lang ng utos ng hukuman. Para sa higit pang impormasyon tungkol sa mga rekord kaugnay ng pag-ampon, tumawag sa (510) 891-6003.

Online

Puntahan ang aming page na Mga Pang-administratibong Rekord para sa Hukuman para sa higit pang impormasyon.

 

Online

Ang mga vital record (hal., mga rekord ng kapanganakan, pagkamatay, at kasal) ay pinapanatili ng County. 

Was this helpful?

Yes No
This question is for testing whether or not you are a human visitor and to prevent automated spam submissions.
Was this helpful?